زوزو التمورية ضيفة كرسي الاعتراف لهذا الاسبوع

يلا اني راح ابدي
1- عرفي نفسك اسمك وعمرك واقامتك
2- اوصفي شكلك
3- هواياتك
4- ماذا تحبين وماذا تكرهين
5- طموحك
والي رجعة ثانية

تسلم مؤيد على الاستقبال الرائع

1- عرفي نفسك اسمك وعمرك واقامتك
زينب
طالبة صف ثاني متوسط
العمر 14
اقامتي بالموصل اول من اطب على ايدك الشمال بيتي راح تلكيني كالعدة عالنت
ههههههههه
2- اوصفي شكلك
بيضا _عيون سود _طولي مقبول بس معرف شكد الصراحة _رشيقة

3- هواياتك
النت _تأليف الاغاني والاشعار وكتابة افلام او مسلسلات_ تصميم ازياء
4- ماذا تحبين وماذا تكرهين
احب الضحك والسفر احب كل شي بالدنيا بس اكره الكذب
5- طموحك
اصير شي اله مقامه يعني شي عالي _او صيدلانية

اوك مؤيد منتظرة بقية الاسئلة
بس لو اعرف انت ليش متحلفلي؟؟؟؟؟

منو زوزو
موالأسم لا
بألنسبه للاهل للأصدقاء

الاهل كل شي بحياتي واعتبرهم الناس اللي يشجعوني على النجاح والاستمرار ومصدر للحب والحنان
اما صديقاتي
فأنا من النوع اللي يحب التعارف وعندي معارف هواية
بس عندي عدد محدود من الصديقات المقربين اللي كلشي احكيلهم واحس بالفرح وياهم اجمل الاوقات اللي اقضيها لما اكعد وياهم واسولف .....احس نفسي ارجع طفلة العب واخبث وياهم
منو زوزو
انسانة تحب الخير والعدل مرحة تكره الكذب هادئة بس لما اتعصب مااشوف احد كدامي كريمة

أذا اجه انسا وطلب من زوزو مساعده في امر معين
شنو راح يكون رده

أذا اجه انسا وطلب من زوزو مساعده في امر معين
شنو راح يكون رده

طبعا راح اساعده على حسب طاقتي
واذا مااكدر راح اعتذر منه
بس اني بطبعي مايعجبني كثير ارد شخص او ارد طلبه فراح احاول اساعده على قد مااكدر

شكرا زوزو على الاجوبة

لا عادي اشاقة
1-زوزو هل انت مقتنعة باسمك اي لو لا وشنو كنتي تتمنين اسمك
2-اتحبين الرجل اذا كان نعم فماذا تحبين منه
3-مواصفات فتى احلامك
4-المواصفات التي تكون عندك هل كانت سبب في مشاكل او ضعف على اتخاذا بعض القرارات
5-عدد افراد عائلتكم تكدري مجاوبين

1-زوزو هل انت مقتنعة باسمك اي لو لا وشنو كنتي تتمنين اسمك
الصراحة اني ماكثير يعجبني اسمي ولهذا مااحب احد يصيحني بأسمي يعجبني يصيحوني زوزو
والاسم اللي كنت اتمناه اسمي "ملك" او "قطر الندى"
2-اتحبين الرجل اذا كان نعم فماذا تحبين منه
احب حنانه وعيونه وضحكته
3-مواصفات فتى احلامك
شنو هالاحراج؟؟؟؟لا عادي اشاقة
اول شي احبه يكون كريم دمه خفيف يكون غيور بس شوية مو كثير يكون رومانسي يحب النقاش يعني مو مصر دايما على رائيه يكون اسمر يكون اسمر وشعر اسود او تمري وعيون جوزي او اسود تكون شخصيته قوية وحنون جدا
4-المواصفات التي تكون عندك هل كانت سبب في مشاكل او ضعف على اتخاذا بعض القرارات
الصراحة مافهمت على هذا السؤال ياريت التوضيح
5-عدد افراد عائلتكم تكدري مجاوبين
لا عادي اجاوب _احنا 5 افراد بالبيت امي وابويا واني الكبيرة واختي اصغر مني واخويا الصغير

زوزو شتعنيلج هاي الأسماء

مؤيد
احمد
هنادي
المملكه التموريه

زوزو شنو تعنيلج هاي الكلمات
الحب الرومانسيه
الفراق الغدر الخيانه

ومنو منهن جربتي
وشنو النتيجه
تحياتي لأن اهوايه لحيت بالأسأله

زوزو شتعنيلج هاي الأسماء

مؤيد
اخ عزيز
احمد
اخ عزيز
هنادي
بنت خالتي واختي وصديقتي واموت عليها
المملكه التموريه
حلقة تواصل بيني وبين جمهور تامر العراقيين وعندي امل كبير تصير مشهورة وكل الناس تعرفها

يسلمو على الأجوبه بس اريد البقيه

زوزو شنو تعنيلج هاي الكلمات
الحب
لايمكن ان اعيش من غيرو بس اني مااقصد حب الحبيب اقصد الاصدقاء والاهل
الرومانسيه
اجمل احساس
الفراق
اصعب احساس
الغدر
اكره الشخص الغدار اللي انطيه ثقتي ويطلع انسان غدار وكذاب
الخيانه
لايمكن ان انسى من خاني (بوعد او بسر او اي شي اخر)

ومنو منهن جربتي
الفراق(فارقت اعز صديقاتي)
وشنو النتيجه
النتيجة الحزن طبعا وبقيت لفترة طويلة مااعرف اتكيف مع اي صديقة ضليت سنة ونص يعني عام دراسي ونص عام ثاني دراسي اني وحيدة مااطلع من الصف وماتشوف الا كتابي 24 ساعة بيدي جنت اطلع قهري بالدرس وكرهت حتى المدرسة
تحياتي لأن اهوايه لحيت بالأسأله
لا عادي اسال على راحتك

1_شنو الاكلة اللي تحبيها
2_ شكد طولج

شنو الاكلة اللي تحبيها
احب البيتزا والدولمة اللي تكون حامضة وحادة
شكد طولج
اخ خ خ خ من سؤالج
بس لو اعرف شنو قصدج بيه
طولي 160 وجايز هسى طلت لان صارلي فترة كبيرة من قست طولي يعني جايز وصلت 164

شكرا على الاجوبة

يسلمو على الصراحه

تمام يازوزو شكرا على الرد تحياتي

واني ايضا مغلق
خلينا نجيب غير عضو يكعد
خطية كلهم واكفين بس اني كاعدة
واشكركم على الاسئلة الجميلة